15 aprel 1978-ci il tarixində Bakı şəhərində anadan olmuşdur.
1999-cu ildə Azərbaycan Dövlət Pedaqoji Universitetinin “Biologiya müəllimliyi” ixtisası üzrə bakalavr, 2001-ci ildə eyni ixtisas üzrə magistr, 2007-ci ildə Azərbaycan Dövlət İqtisad Universitetinin “Biznesin idarəedilməsi” ixtisası üzrə magistr, 2007-ci ildə Mançestr Universitetinin “Təhsilin təşkili və idarəedilməsi” ixtisası üzrə (Master of Education, MEd) magistr dərəcələri üzrə, eləcə də 2006-ci ildə Rusiya Federasiya Hökuməti nəzdində Xalq Təsərrüfatı Akademiyasının Sosial və iqtisadi elmlər sahəsində Moskva Ali Məktəbinin “Təhsilin təşkili və idarəedilməsi” ixtisası üzrə təhsil almışdır. Hal-hazırda Azərbaycan Dövlət Pedaqoji Universitetində fəsləfə doktoru proqramı üzrə “Təhsilin təşkili və planlaşdırılması” ixtisasında təhsilini davam etdirir və Azərbaycan Respublikası Prezidenti Yanında Dövlət İdarəçilik Akademiyasında lektor olaraq fəaliyyət göstərir.
Əmək fəaliyyətinə 1997-ci ildən başlamış və 2012-ci ilə qədər müxtəlif özəl şirkətlərdə rəhbər vəzifələrdə işləmişdir. 1999-cu ildə ictimai-siyasi fəaliyyətə başlayıb, “Vətəndaş Cəmiyyətində Debat” İctimai Birliyi və Azərbaycan Respublikası Gənclər Təşkilatları Milli Şurasının sədri vəzifələrində çalışmış, 2015-2022-ci illərdə AR Təhsil Nazirliyinin SABAH qrupları İcra Komitəsinin rəhbəri, 2019-2022-ci illərdə Heydər Əliyev Fondunun “Regional İnkişaf” İctimai Birliyinin (RİİB) “Sosial Layihə” müsabiqəsinin rəhbəri olmuşdur.
2013-2016-cı illər ərzində Azərbaycan Respublikasının Prezidenti yanında Gənclər Fondunun Müşahidə Şurasının üzvü olmuşdur. 2022-ci ildən Azərbaycan Respublikası Elm və Təhsil Nazirliyinin Akkreditasiya Şurasının üzvüdür.
28 yanvar 2016-ci il tarixində Azərbaycan Respublikasında gənclər siyasətinin həyata keçirilməsində səmərəli fəaliyyətinə görə “Azərbaycan Respublikası Prezidentinin Fəxri Diplomu” və 6 dekabr 2019-cu il tarixində Bakı Dövlət Universitetinin 100 illiyi (1919–2019)" Azərbaycan Respublikasının yubiley medalı ilə təltif olunmuşdur.
2020-ci ildə Milli Məclisə keçirilmiş seçkilərdə 50 saylı Abşeron-Qobustan seçki dairəsindən namizədliyini irəli sürmüş, bitərəf deputat olaraq seçilmişdir. Milli Məclisin Elm və təhsil, Gənclər və idman komitələrinin üzvü olmuşdur.
03 mart 2022-ci il tarixində Azərbaycan Respublikası Prezidenti İlham Əliyevin Sərəncamı ilə “İçərişəhər” Dövlət Tarixi-Memarlıq Qoruğu İdarəsinin İdarə Heyətinin sədri vəzifəsinə təyin olunmuşdur.
Azərbaycan, rus və ingilis dillərini bilir.
Ailəlidir, 3 övladı var.
