19 avqust 2024-cü il tarixində Şamaxı rayonunun Əhmədli, Hacılı, Qızmeydan və Pirbəyli kəndlərinin seçicilərilə keçirdiyimiz görüşlərin video icmalı.
Seçicilərlə görüşlər davam edir. #Yoladavam!
Valehedici təbiətə malik Zərnava kəndində seçicilərlə görüş zamanı onları maraqlandıran mövzular ətrafında maraqlı müzakirələr apardıq, seçki platforması barədə seçicilərə ətraflı məlumat təqdim etdik.
Görüşdən öncə ölməz şəhidlərimiz Fərəcov Cəsarət İsmayıl oğlu və Novruzov Mətləb Cilovxan oğlunun məzarlarını ziyarət edərək, əziz xatirələrini yad etdik.
Seçicilərlə görüşlər davam edir – #Yoladavam!
Növbəti görüşü öz nadir dəmirçilik ənənələri ilə məşhur olan Lahıc qəsəbəsində keçirdik. Qədim xalq sənətkarlıq nümunələrinin qorunduğu və misgərlik sənətinin UNESCO-nun Qeyri-maddi mədəni irs üzrə Reprezentativ siyahısına daxil edildiyi bu qəsəbədə, sakinlərlə maraqlı görüşümüz baş tutdu. Görüşdə seçicilərin irəli sürdüyü mühüm məsələlər dinləndi və onlara seçki platforması təqdim edildi.
Lahıca ziyarət zamanı, həmçinin şəhidlərimizin məzarlarını ziyarət edərək, onların əziz xatirəsini yad etdik.
Seçicilərlə görüşlər davam edir. #Yoladavam!
Bu gün İsmayıllı rayonundayıq. Günün ilk görüşü Əhən kəndində, yerli sakinlərlə yanaşı, Duvaryan, Ximran və Qoydan kəndlərindən olan seçicilərin iştirakı ilə baş tutdu. İştirakçıların fəal olduğu görüşdə seçiciləri maraqlandıran suallar cavablandırıldı və onlara seçki platforması ilə bağlı ətraflı məlumat verildi.
Göstərdikləri isti qarşılamaya görə bütün seçicilərə təşəkkürümü bildirirəm.
Seçicilərlə görüşlər davam edir. #Yoladavam!
Növbəti görüş Şamaxı rayonunun Pirbəyli kəndində baş tutdu. Görüşdə seçicilər tərəfindən irəli sürülən məsələlər ətrafında müzakirələr aparıldı və seçki platforması təqdim olundu.
Qızmeydan kəndinin sakinlərilə olan görüşdə seçicilərə seçki platforması barədə ətraflı məlumat verildi və görüş iştirakçılarını maraqlandıran suallar cavablandırıldı.
Görüşdən öncə şəhid Piriyev Sərdar Nuru oğlu və Həmidov Taleh Saleh oğlunun məzarları ziyarət olunaraq, əziz xatirələri yad olundu.
Bu həftənin ilk görüşünü Şamaxının Əhmədli və Hacılı kəndlərinin seçiciləri ilə keçirdik. Görüşdən sonra şəhid Səmədov Zöhrab Xanlar oğlu və Səlimov Zahid Məmmədzayıd oğlunun məzarlarını ziyarət edib, xatirələrini yad etdik.
1 sentyabr Milli Məclisə seçkilərin təbliğat-təşviqat kampaniyası çərçivəsində 12-16 avqust 2024-cü il tarixlərində Qobustan şəhəri, İsmayıllı və Şamaxı rayonlarının seçicilərilə keçirdiyimiz görüşlərin video icmalı.
İsmayıllı rayonu – Təzəkənd, BirinciYeniyol, Gəndov, İkinciYeniyol, Köhnədaxar, Qaraqaya, Qərsələ, Tircan, Maçaxı, Bizlan, Zərgəran, Həftəsov, Sulut, Kələzeyvə, Qıçatan, Sərsurə, Tağlabiyan, Kəlfərəc, Mücü kəndləri və Basqal qəsəbəsi.
Şamaxı rayonu – Çıraqlı, Mərzəndiyə, Quşçu, Laləzar, BirinciÇaylı, ZaratXeybəri, Səfalı, Dəmirçi, Avaxıl kəndləri və Yusif Məmmədəliyev, Sabir və Aşkar qəsəbələri.
Şamaxı rayonunun Quşçu kəndində yerli kənd sakinləri ilə yanaşı, Laləzar və Aşkar kəndlərindən olan seçicilərlə görüş keçirildi.
Daha sonra, Vətən uğrunda şəhid olmuş Bəkirov Yasər Əfqan oğlu və Zülfüqarov Cavid Cavanşir oğlunun ailələri ilə görüşüb, şəhidlərimzin xatirələrini yad etdik.
Göstərdikləri isti qarşılamaya görə Quşçu, Laləzar və Aşkar kəndlərinin seçicilərinə təşəkkürümü bildirirəm.
